أنفاس

عارف ازاي تعيش؟


ظبط امورك
التظبيط حيخليك من واحد عبيط
لواحد نطيط
فتح دماغك
افتحها عالبحرى
دماغك دى هى الى متأله راسك

فضيها الاول علشان تعرف

عرفت؟

شفت ازاي دماغك خفت؟
شخشخ جيبك
لزوم التظبيط , مفيش حاجه ببلاش
امشى جنب الحيط
كتفك و الحيطة حاجه واحدة
قول حاضر
"تمام" و "طيب" و"ماشى" شغالين برده
اسمع الكلام
و ده مش أى كلام
دة الكلام التمام
مش عارف تنام؟
أه يااااا غلبان
ضميرك واجعك؟
هوا لسه ما متش؟
طب اجرى هات سكينه
شق صدرك
فتش بين ضلوعك
لقيت حاجه بتلعب؟ امسكها كده
ايه يا راجل السواد ده كله
طب منتا تمام اهو, امال ايه بس!
مش عارف تنام ليه بأه؟
ايه ده؟
ايه الى على قلبك ده؟
انا مش مصدق!!!
مالك يا راجل؟
ايه الى غرق عينيك كده؟
مالك بتتنفض كده لبه؟
العرق ده كله جه منين؟!
اجيبلك دكتور؟
لا
دنتا عايز دايه!
انا حاسيبك دلوقتى
بس انا راجعلك تاني
هوا أنا ورايا غيرك
.
.

.
.
.

أقبلت عليك بلا إله إلا الله
الزمت فاك بلا حول و لا قوة إلا بالله
و قضيت حاجتى بعون الله
بسم الله الله أكبر
بسم الله الله أكبر
بسم الله الله أكبر
مما أخاف و أحذر